20th Century

BREVIARIUM AMBROSIANUM (1957)

11th Century

MANUALE AMBROSIANUM

(Cod. ambr. I 55 SUP.)

COMMENTARY

Ad Primam

Deus, +.  in adjutórium meum intende.

Dómine, ad adjuvándum me festína.

Glória Patri et Fílio et Spirítui Sancto.

Sicut erat in princípio, et nunc, et semper, et in saecula saeculórum. Amen. [Hallelujah]

[AD PRIMAM]

Hymnus

   Memento, salutis Auctor,

Quod nostri quondam corporis

Ex illibata Virgine

Nascendo formam súmpseris.

   Maria, Mater gratiae,

Mater misericordiae,

Tu nos ab hoste prótege,

Et mortis hora súscipe,

   Gloria tibi, Domine,

Qui natus es de Virgine,

Cum Patre et Almo Spiritu

In sempiterna saecula. Amen.

Hymnus. Memento salutis auctor: quod nostri quondam corporis : ex illibata Virgine : nascendo formam sumpseris. (9)

Gloria tibi, Dne [Domine]: qui natus es de Virgine cum Patre, sancto Spiritu : in sempiterna saecula. Amen.

Psalmus 53

Deus, in nomine tuo salvum me fac, * et in virtute tua libera me.

Deus, exaudi orationem meam; * auribus pércipe verba oris mei:

Quoniam aliéni insurrexerunt super me, * et fortes quaesierunt animam meam.

Non proposuerunt Deum ante conspectum suum: * ecce enim Deus ádjuvat me, et Dominus susceptor est animae meae.

Averte mala inimicis meis; * et in veritate tua disperde illos.

Voluntarie sacrificabo tibi, * et confitebor nomini tuo, Domine; quoniam bonum est.

Quoniam ex omni tribulatione eripuisti me; * et super inimicos meos respexit oculus meus.

Psalmus 84

Benedixisti, Domine, terram tuam: * avertisti captivitatem ab Jacob.

Remisisti iniquitatem plebis tuae: * operuisti omnia peccata eorum.

Mitigasti omnem iram tuam: * avertisti ab ira indignationis tuae.

Converte nos, Deus salutaris noster, * et averte iracundiam tuam a nobis.

Ne in aeternum irascáris nobis, * aut extendas iram tuam a generatione et progenie.

Deus, tu convertens vivificabis nos; * et plebs tua laetabitur in te.

Ostende nobis, Domine, misericordiam tuam; * et salutare tuum da nobis.

Audiam quid loquatur in me Dominus Deus quoniam loquetur pacem in plebem suam, * et super sanctos suos, et in eos qui convertuntur coram ipso.

Verúmtamen prope timentes eum salutare ipsius, * ut inhábitet gloria in terra nostra.

Misericordia et veritas obviavérunt sibi; * justitia et pax complexae sunt se.

Veritas de terra orta est, * et justitia de caelo prospexit.

Etenim Dominus dabit benignitatem; * et terra nostra dabit fructum suum.

Justitia ante eum ambulabit, * et ponet in via gressus suos.

Psalmus 116

Laudate Dominum omnes gentes, *et collaudate eum, omnes populi;

Quoniam confirmata est super nos misericordia ejus, * et veritas Domini manet in aeternum.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum.Amen. Hallelujah.

Psalm [Psalmus]. (53) Deus in nomine tuo. Gloria Patri.

Al. Ps. (117) Confitemini Dno [Domino] : dicat nunc.

re:  pss 53, 84, 116

These psalms were used  in Prime of the Little Office of the BVM in:

a)  the Roman Rite

b)  the Monastic Rite

pss 1, 2 3 were used in the Premonstratensian Rite Little Office

pss 53, 116, 117 were used in the Carmelite Rite Little Office

pss 119, 120, 121 were used in the Dominican and Cistercian Rite Little Offices

pss 53, 118a, 118b, 118c, 118d were used in the Carthusian Rite Little Office

Epistolella Sap. 8.

Sapientia vincit malitiam. Attingit ergo fine usque ad finem fortiter, et dispónit omnia suaviter.

R.  Deo gratias.

Epistolella. Sapientia vincit malitiam (sic).

Responsorium breve: Ave, Maria, gratia plena.

Iter Ave, Maria, gratia plena: * Dominus tecum.

V.  Benedicta tu inter mulíeres.

R.  Dominus tecum.

V.  Gloria Patri, et Filio, et Spiritui Sancto

R.  Ave, Maria, gratia plena: * Dominus tecum

R.  Ave Maria , gratia plena: Dominus tecum. R.  Benedicta tu inter mulieres : Dominus tecum.

R.  Gloria Patri

Capitulum

Post partum Virgo inviolata permansisti; Dei Genitrix, intercede pro nobis. Hallelujah. Kyrie, eleison. Kyrie, eleison. Kyrie, eleison.

V.  Domine, exaudi orationem meam.

R.  Et clamor meus ad te veniat.

Oratio

Famulorum tuorum quaesumus, Domine, delictis ignósce: et, quia tibi placére de actibus nostris non valémus, Genitricis Filii tui Domini nostri intercessione salvemur. Per eumdem.

This prayer is also found  in Prime in the Premonstratensian Rite.

It also appears as in the Premonstrensian Rite as the prayer for Terce, Sext, None & Compline, and is the Compline prayer for this Office (Ambrosian Officium Parvum), as well.

In the Roman, Monastic, Dominican and Cistercian Rites, it is found as the concluding  prayer for None.

In Compline of the Bridgettine Office, each day this is the concluding prayer of the final Antiphon of the BVM (the antiphon varies daily; the prayer does not).

V.  Domine, exaudi orationem meam.

R.  Et clamor meus ad te veniat

Kyrie, eleison. Kyrie, eleison. Kyrie, eleison.

V.  Benedicamus Domino:

R.  Deo gratias.

V.  Fidelium animae per Dei misericordiam requiescant in pace.

R.  Amen.