20th Century

BREVIARIUM AMBROSIANUM (1957)

11th Century

MANUALE AMBROSIANUM

(Cod. ambr. I 55 SUP.)

COMMENTARY

Ad Sextam

Deus, +  in adjutórium meum intende.

Dómine, ad adjuvándum me festína.

Glória Patri et Fílio et Spirítui Sancto.

Sicut erat in princípio, et nunc, et semper, et in saecula saeculórum. Amen.

[Hallelujah]

[AD SEXTAM]

Hymnus

   Memento, salutis Auctor,

Quod nostri quondam corporis

Ex illibata Virgine

Nascendo formam súmpseris.

   Maria, Mater gratiae,

Mater misericordiae,

Tu nos ab hoste prótege,

Et mortis hora súscipe,

   Gloria tibi, Domine,

Qui natus es de Virgine,

Cum Patre et Almo Spiritu

In sempiterna saecula. Amen.

Hymnus Memento salutis.

Psalmus 122

Ad te levavi oculos meos,* qui hábitas in cae1o.

Ecce sicut oculi servorum * in manibus dominorum suorum;

Sicut oculi ancillae in manibus dominae suae: * ita oculi nostri ad Dominum Deum nostrum, donec misereatur nobis.

Miserere nobis, Domine, miserere nobis; *quia multum repleti sumus contemptione.

Et multum repleta est anima nostra: * opprobrium abundantibus, et despectio superbis.

Psalmus 123

Nisi quod Dominus erat in nobis, dicat nune Israel * nisi quod Dominus erat in nobis;

Cum insúrgerent homines in nos, * fórsitan vivos deglutissent nos:

Cum irasceretur animus eorum adversum nos, * fórsitan ut aquam absorbuissent nos.

Torrentem pertransivit anima nostra:* fórsitan pertransisset anima nostra aquam immensam.

Benedictus Dominus * qui non dedit nos in capturam dentibus eorum.

Anima nostra sicut passer erepta est * de laqueo venantium:

Laqueus contrítus est, * et nos liberati sumus.

Adjutorium nostrum in nomine Domini, * qui fecit caelum et terram.

Psalmus 124

Qui confídunt in Domino, sicut mons Sion; * n on commovebitur in aeternum, qui hábitat in Jerusalem.

Montes in circúitu ejus, et Dominus in circúitu populi sui, * ex hoc nune et usque in saeculum.

Quia non remittet Dominus virgam peccatorum * super sortem justorum;

Ut non extendant justi ad iniquitatem manus suas: * bénefac, Domine, bonis et rectis corde.

Declinantes autem ad obligationem addúcet Dominus cum operantibus iniquitatem: * pax super Israel.

Gloria Patri, et Filio, et Spiritui Sancto, * Sicut erat in principio, et nunc, et semper, et in saecula saeculorum.Amen. Hallelujah.

Psalm [Psalmus] I (122) Ad te levavi.

II. (123) Nisi. quod Dnus [Dominus].

III. (124) Qui confidunt in Dno [Domino].

Epistolella Eccli. 24

In omnibus requiem quaesivi et in haereditate Domini morabor. Tunc praecépit, et dixit mihi Creator omnium : et qui creavit me, requievit in tabernaculo meo.

R.  Deo gratias.

Responsorium breve: Benedicta tu.

Iter Benedicta tu * In muliéribus.

V. Et benedictus fructus ventris tui.

R.  In muliéribus.

V. Gloria Patri, et Filio, et Spiritui Sancto.

R.  Benedicta tu * in muliéribus.

Capitulum

Elégit eam Deus, * Et praeelégit eam, et in tabernaculo suo habitare fecit eam. Hallelujah. Kyrie, eleison. Kyrie, eleison. . Kyrie, eleison .

V.  Domine, exaudi orationem meam.

R.  Et clamor meus ad te veniat.

Oratio

Pórrige nobis, Deus, dexteram tuam : et intercessione beatae et gloriosae semper Virginis Mariae, auxilium nobis supernae virtutis impende. Per Dominum.

V.  Domine, exaudi orationem meam.

R.  Et clamor meus ad te veniat Kyrie, eleison. Kyrie, eleison. Kyrie, eleison.

V.  Benedicamus Domino.

R.  Deo gratias.

V.  Fidelium animae per Dei misericordiam requiescant in pace.

R.  Amen.